«Бобруйский курьер» вярнулі на пошту
З трэцяга верасня недзяржаўная газета «Бобруйский курьер» ізноў прадаецца ў паштовых аддзяленнях Бабруйска і Бабруйскага раёна.
Супрацоўніцтва з незалежным выданнем кіраўніцтва Бабруйскага вузла паштовай сувязі скасавала сёлета ў траўні па прычыне «нізкага ўзроўню продажу». Вярнулі газету ў рознічны гандаль праз паштовыя аддзяленні пасля рэкамендацыйнага ліста Грамадскай каардынацыйнай Рады па СМІ.
Нагадаем, дапамагчы шэрагу недзяржаўных выданняў вырашыць праблему з распаўсюдам ініцыянавала на першым паседжанні Рады па СМІ старшыня БАЖ Жанна Літвіна. Вярнуўшыся да гэтага пытання на наступным паседжанні, сябры Рады вырашылі звярнуцца да кіраўнікоў дзяржаўных прадпрыемстваў «Белпошта» і «Саюздрук», а таксама кіраўнікоў рэдакцый, у якіх на сёння існуюць праблемы з распаўсюдам, з рэкамендацыямі ўзнавіць супрацоўніцтва.
«Бобруйский курьер» выкінулі з продажу на пошце
Грамадская Рада «рэкамендуе» недзяржаўным СМІ і распаўсюднікам-манапалістам вярнуцца да перамоваў
Абмежаванні ў распаўсюдзе СМІ: кароткі агляд
