1,4 мільёна штрафу за святкаванне Дня Незалежнасці
Леанід Аўтухоў
Суддзя Гарадоцкага раённага суда прызнала Леаніда Аўтухова вінаватым у арганізацыі несанкцыянаванай акцыі.
Аўтухоў аштрафаваны на 1 мільён 400 тысячаў рублёў (40 базавых велічыняў).
27 чэрвеня некалькі мясцовых апазіцыянераў на чале з старшынём Гарадоцкай арганізацыі Партыі БНФ Леанідам Аўтуховым вышлі на цэнтральную плошчу райцэнтра, каб павіншаваць гараджанаў з чарговымі ўгодкамі прыняцця Дэкларацыі аб суверэнітэце Беларусі. Апазіцыянеры прыйшлі з нацыянальнымі сцягамі і скандавалі лозунг «Жыве Беларусь!»
Афіцыйныя ўлады адмянілі свята пасля рэферэндуму 1996 года, на якім Аляксандр Лукашэнка атрымаў неабмежаваныя паўнамоцтвы. Дзень незалежнасці пачалі адзначаць у Дзень вызвалення Менска ад нямецка-фашысцкіх захопнікаў 3 ліпеня. Дэмакратычная грамадскасць, як і раней, адзначае Дзень незалежнасці менавіта 27 ліпеня.
