Рашэнне намесніка міністра не ўказ?

Берасцейскі юрыст-праваабаронца Раман Кісляк і маладафронтавец Андрэй Шарэнда былі затрыманы ля будынка адміністрацыі Маскоўскага раёна пад час раздачы брашуры “Канвенцыя зараз”, прысвечаную Міжнароднай канвецыі аб абароне асоб ад гвалтоўнага знікнення.

Раздача адбывалася ў дзень гвалтоўнага знікнення тэлеаператара Зміцера Завадскага.

Спачатку актывістаў даставілі ў Адміністрацыю, а затым у Маскоўскі РАУС, дзе ўзялі тлумачальныя, забралі 59 асобнікаў “Канвенцыі зараз” і праз 2,5 гадзіны адпусцілі без складання пратакола. Актывісты паспелі распаўсюдзіць 21 экзэмпляр.

Па словах Рамана Кісляка, яны будуць дамагацца інструктажу супрацоўнікаў міліцыі праз УВС Берасцейскага аблвыканакама аб тым, што яўляецца парушэннем закона, а што не яўляецца парушэннем у сферы распаўсюду інфармацыі. Дадзенае затрыманне і дастаўку ў РАУС актывісты лічаць незаконным і парушаючым іх правы на распаўсюд інфармацыі.

Нагадаем, што распаўсюд брашуры “Канвецыя зараз” яшчэ 23 чэрвеня 2009 года быў прызнаны намеснікам міністра інфармацыі Лапцёнкам законным.