viasna on patreon

Эмануіл Зэльцэр прыпыніў галадоўку да 30 чэрвеня

2009 2009-06-26T11:41:45+0300 1970-01-01T03:00:00+0300 be https://spring96.org/files/images/sources/aryshtant.jpg

Пра гэта паведаміў адкават Зьміцер Гарачка. Ён ўдакладніў, што галадоўка прыпыненая да 30 чэрвеня. Адвакат адмовіўся камэнтаваць прычыны такога рашэньня.

 

Зьняволены ў магілёўскай калёніі грамадзянін ЗША Эмануіл Зэльцэр галадаў ад 8 чэрвеня. Такім чынам ён пратэставаў супраць дзеяньняў Менскага гарадзкога суду, якія не прадстаўляў адміністрацыі калёніі дакумэнты, якія неабходныя для разгляду пытаньня пра амністыю, перадае БелаПАН.

 

Эмануіл Зэльцэр падпадае пад амністыю, абвешчаную ў сувязі з гадавінай вызваленьня Беларусі.

 

23 чэрвеня Генэральны пракурор Беларусі Рыгор Васілевіч выказаў меркаваньне, што разгляд справы пра амністыю Э.Зэльцэра зацягнуўся. “Мы праверым, чаму зацягваецца разгляд справы”, — паабяцаў Васілевіч.

 

Эмануіл Зэльцэр быў арыштаваны ў сакавіку 2008 году і праз 5 месяцаў асуджаны на 3 гады зьняволеньня паводле абвінавачаньня ў камэрцыйным шпіянажы і падробцы дакумэнтаў. Асуджаная разам з Зэльцэрам ягоная сакратарка Ўладлена Функ (Брускова), якая атрымала год турмы, у сакавіку 2009 году вышла на волю.

 

Марк Зэльцэр, які жыве ў Нью-Ёрку, мяркуе, што ягоны брат стаў ахвярай інтрыг вакол спадчыны памерлага грузінскага алігарха Бадры Патаркацышвілі. Паводле Марка Зэльцэра, на гэтую спадчыну прэтэндуе расейскі алігарх-уцякач Барыс Беразоўскі, які нібыта справакаваў арышт Зэльцэра. Барыс Беразоўскі адмаўляе сваю датычнасьць да гэтай справы.

Апошнія навіны

Партнёрства

Сяброўства