viasna on patreon

Прыняты законапраект аб парадку выезду з Беларусі і ўезду ў краіну

2009 2009-06-24T16:01:25+0300 1970-01-01T03:00:00+0300 be https://spring96.org/files/images/sources/palata_pradstaunikou_ns.jpg

24 чэрвеня дэпутаты Палаты прадстаўнікоў Нацыянальнага сходу прынялі ў другім чытанні законапраект аб парадку ўезду ў краіну і выезду з яе беларускіх грамадзян.

 

Член камісіі па правах чалавека, нацыянальных адносінах і сродках масавай інфармацыі Яўген Мельнікаў паведаміў, што дакумент устанаўлівае адзіныя падставы для часовага абмежавання права грамадзян на выезд з Беларусі з мэтай часовага знаходжання або пастаяннага пражывання за яе межамі.

 

Грамадзянін можа быць абмежаваны ў праве выезду на наступных падставах: калі валодае звесткай, якая складае дзяржаўную тайну; з'яўляецца падазроным або абвінавачаным па крымінальнай справе; асуджаны за ўчыненне злачынства; за ім устаноўлены прэвентыўны нагляд; не выконвае без уважлівых прычын маёмасныя, падатковыя і іншыя абавязательствы перад Беларуссю; яму выстаўлены грамадзянскі іск у судзе; з'яўляецца даўжніком па справе аб эканамічнай неплацежаздольнасці; ухіляецца ад яўкі на мерапрыемствы па прызыве на ваенную службу, службу ў рэзерве.

 

Асобны артыкул закона рэгламентуе парадак выезду за мяжу непаўналетніх. У адпаведнасці з дакументам яны могуць выязджаць з Беларусі ў суправаджэнні аднаго з законных прадстаўнікоў без згоды другога. Калі адзін з законных прадстаўнікоў не згодны з выездам, ён можа звярнуцца ў суд з заявай аб вызначэнні іншага парадку выезду. Выключэннем з'яўляюцца выпадкі, калі непаўналетні выязджае для лячэння і аздараўлення.

 

Непаўналетнія грамадзяне, якія маюць статус дзяцей-сірот або дзяцей, якія засталіся без апекі бацькоў, змогуць выязджаць з Беларусі ў суправаджэнні або з пісьмовай згоды аднаго з законных прадстаўнікоў пры наяўнасці рашэння мясцовага выканаўчага або распарадчага органа аб накіраванні дзіцяці на вучобу. Пры выездзе на іншых падставах, за выключэннем лячэння або аздараўлення, неабходна копія загада аддзела адукацыі мясцовага выканаўчага і распарадчага органа аб дазволе на выезд на пэўны тэрмін у суправаджэнні або з пісьмовай згоды законнага прадстаўніка.

 

Законапраект увойдзе ў сілу праз шэсць месяцаў пасля афіцыйнага апублікавання, паведамляе БелаПАН.

Апошнія навіны

Партнёрства

Сяброўства