Суддзя Ленінскага раённага суда Гродна сп-ня Козел перанесла на 20 верасня 2005 года суд на прафсаюзным актывістам Іванам Романам.

Падставай для ўзбуджэння справы на гэты раз стаў адміністрацыйны пратакол складзены па даносе кіраўніка аховы Гродзенскага завода аўтаагрэгатаў Малаткова. У заяве, напісанай ад імя Малаткова, сцвярджаецца, што Іван Роман раздаваў газеты прафсаюза РЭП каля прахадной завода. Разгляд справы быў перанесены па ініцыятыве прадстаўніка Ленінскага РАУС Лінца П.В., які аргументаваў сваё хадайніцтва адсутнасцю сведак з боку міліцыі. Суддзя Козел імгненна задаволіла хадайніцтва і перанесла разгляд чарговай справы Івана Романа на 20 верасня.