Справу Сяргей Скрабца могуць перадаць у суд ужо праз два тыдні

Сьледчы ў асоба важных справах рэспубліканскай пракуратуры Вячаслаў Цераховіч паведаміў вядомаму апазыцыянэру, кіраўніку дэпутацкай групы "Рэспубліка" ў Палаце прадстаўнікоў папярэдняга скліканьня Сяргею Скрабцу, што ён ужо канчаткова абвінавачваецца адразу ў трох парушэньнях заканадаўства - выманьваньне крэдытаў у дзяржавы, незаконная прадпрымальніцкая дзейнасьць і падбухторваньне да дачы хабару. Па зьвестках радыё Свабоды, вязьню будзе дадзена два тыдні для азнаямленьня з крымінальнай справай, пасьля чаго сьледзтва зьбіраецца перадаць справу ў суд.