Начная акцыя ў Эўропе за дэмакратыю ў Беларусі

Мінулай ноччу па ўсёй Эўропе маладыя актывісты правялі акцыю супраць дыктатуры ў Беларусі. Яна была прымеркаваная да чарговай гадавіны несумленных выбараў прэзыдэнта ў Беларусі.

У 100 розных гарадах па ўсёй Эўропе арганізацыя JEF (Маладыя эўрапейскія фэдэралісты) наладзіла акцыю падтрымкі перасьледаванай грамадзянскай супольнасьці і апазыцыйнага руху Беларусі.

Ідэя акцыі — завязаць рот статуям у гарадах і мястэчках па ўсім кантынэнце. Гэта сымбалізуе сучасную сытуацыю ў Беларусі. Акрамя заклееных ратоў, на шыях статуй віселі лёзунгі “Дайце слова беларусам”, “Надышоў час вольнай Беларусі”.

Такая акцыя праходзіць чацьвёрты год — летась у ёй удзельнічалі 80 гарадоў Эўропы.

Фотасьведчаньні аб акцыі можна пабачыць на сайце арганізатараў