Беларускія памежнікі абшукваюць студэнтаў ЭГУ

У нядзелю ўвечары маладафронтаўца Зьмітра Ясевіча, які навучаецца ў ЭГУ і ехаў на вакацыі дадому ў Беларусь, абшукалі на мяжы. У Зьмітра дасканала перагледзелі ўсе асабістыя рэчы, асабліва іх цікавіла інфармацыя, што знаходзілася на ноўтбуку.

Пасьля ператрусу памежнікі распытвалі Зьмітра, дзе ён жыве, дзе навучаецца: у якім унівэрсытэце, на якім факультэце, нават пацікавіліся, на якія адзнакі маладафронтавец здаў сэсію.

«Відавочна, быў загад на ператрус – перад вобшукам жанчына-памежніца па рацыі з кімсьці кансультавалася, - кажа Зьміцер Ясевіч. – Такія непрыемныя вобшукі часта былі і раней, але прынамся за апошнюю палову году - за пэрыяд «лібэралізацы» гэта першы выпадак», паведамляе  Хартыя-97