Газэты не зьбіраюцца друкаваць зварот Партыі БНФ

Напрыканцы студзеня Партыя БНФ накіравала звароты ў беларускія газэты з просьбаю апублікаваць прынятую на апошнім Сойме Партыі пазыцыю “Пра крызыснае становішча ў беларускай эканоміцы”. Такія звароты былі накіраваныя ў выданьні “Беларусь сегодня”, “Рэспубліка”, “Звязда”, “Народная газета”, “Вечерний Минск” і рэгіянальныя газэты.

9 лютага прыйшоў адказ ад галоўнага рэдактара “Народнай газеты”, які паведаміў, што выданьне адмаўляецца друкаваць тэкст, спаслаўшыся на Закон аб друку, згодна з якім “рэдакцыі па сваім рашэньні адбіраюць і публікуюць адрасаваныя ім лісты”.

На мінулым тыдні віцебская газэта “Віцьбічы” такама адмовілася друкаваць пазыцыю Партыі БНФ аб крызысным становішчы ў эканоміцы.