Улады ізноў забаранілі мітынг супраць будаўніцтва АЭС
https://spring96.org/be/news/26614
2009
2009-01-05T10:58:13+0200
2009-01-05T10:58:13+0200
1970-01-01T03:00:00+0300
be
Смаргоньскія ўлады не дазволілі пікет супраць будаўніцтва АЭС. У адмове смаргонскія чыноўнікі спасылаюцца на тое, што дагэтуль не падпісаны указ прэзыдэнта аб будаўніцтве АЭС менавіта ў Астравецкім раёне.
Смаргоньскія актывісты плянавалі правядзеньне пікета “Астравецкая АЭС – пагроза смаргоньцам” на 11 студзеня. Сёньня адзін з заяўнікаў, Алесь Дзергачоў, атрымаў пісьмовую адмову з райвыканкама.
У лісьце таксама ўдакладняецца, што пакуль толькі Дзяржаўная камісія па выбару месца разьмяшчэньня зямельнага надзелу для будаўніцтва АЭС падпісала акт аб будаўніцтве АЭС у Астравецкім раёне.
А паколькі прэзыдэнт не падпісаў указ аб будаўніцтве, смаргоньскія чыноўнікі лічаць немэтазгодным правядзеньне масавага мэрапрыемства супраць будаўніцтва АЭС.
