Беларуска-нямецкі праваабарончы круглы стол
Сёння ў Берліне, у будынку бундэстага, праходзіць беларуска-нямецкі праваабарончы круглы стол. У форуме на тэму "Беларусь пасля выбараў: ці час для палітычнага збліжэння?" прымаюць удзел і дэпутаты нямецкага парламенту.
Дакладчыкамі з беларускага боку ў дыскусіі, арганізаванай парламенцкай фракцыяй бундэстагу "Саюз 90/Зялёныя" і нямецкімі фондамі Генрыха Бэля і Конрада Адэнаўэра, прымуць старшыня БХК Алег Гулак, праваабарончага цэнтру “Вясна” Алесь Бяляцкі, а таксама прадстаўнікі Аб'яднанай грамадзянскай партыі Яраслаў Раманчук і рухі "За свабоду" Алесь Лагвінец.
Па словах яшчэ аднаго меркаванага ўдзельніка канферэнцыі Уладзіміра Лабковіча, асноўнай мэтай форуму ёсць інфармаванне міжнароднай супольнасці аб наяўнасці ці адсутнасці нейкіх прыкметаў лібералізацыі ў курсе беларускіх уладаў.
Варта адзначыць, што першапачаткова ўдзельнічаць у дыскусіі павінны былі восем прадстаўнікоў Беларусі, аднак чацвярым з іх амбасада ФРГ у Мінску адмовіла ў атрыманні шэнгенскіх візаў. Між тым, як гаворыць Лабковіч, адмова ў атрыманні візаў на яго думку насіла выключна тэхнічны характар, што ні ў якім разе не можа даваць падставаў для нейкіх негатыўных ацэнак.
