Мінская гарадская пракуратура на месяц працягнула сьледства па крымінальнай справе ў адносінах, намесьніка старшыні Беларускага Хельсінскага камітэту Гары Паганяйлы.

Гары Паганяйлу падазраюць у паклёпе на прэзыдэнта і іншых высокіх службовых асобаў.

Такія падазрэньні узьніклі пасьля інтэрвію Гары Паганяйлы швэдзкаму тэлебачаньню, у якім ён ня выключыў датычнасьці Аляксандра Лукашэнкі ды іншых высокіх чыноўнікаў да зьнікненьня палітычных апанэнтаў. Гэтую крымінальную справу пракуратура расьсьледуе зь лістапада 2004 году, нагадвае «Радыё Свабода”.