Бабруйск: Кандыдаты адстойваюць сваю рэпутацыю

Артыкулы, якія выйшлі у гарвыканкамаўскай газеце “Бабруйскае жыццё” з абразамі ў бок сябра БСДП (Г) Алены Мядзведзевай  і сябра АГП Уладзіміра Сямашкі (яны балатуюцца па Бабруйскай-Леніскай акрузе № 78), прымусілі кандатаў пісаць скаргі. Яны ўжо накіравалі скаргі ў акруговую камісію, пракуратуру і ЦВК. Пасля выбараў партыйцы плануюць звярнуцца ў суд.

Нагадаем, у артыкуле пад назвай “Не тот пример для подражания” журналіст Сямён Пятроўскі распавёў выбаршчыкам пра сямейныя праблемы Алены Мядзведзевай. У матэрыяле ўзгадваецца не толькі яе асабістае жыццё, але і яе дачкі, і ўнучкі – з указаннем усіх імёнаў і прозвішчаў. Сямён Пятроўскі “прайшоўся” па сям’і кандыдаткі як вопытны пляткар. А напрыканцы нагадаў чытачам пра “палітычную актыўнасць” прэтэндэнткі ў ППНС і яе “ўдзел у несанкцыянаваных акцыях”, і штрафы.  

Не з меншым імпэтам той жа журналіст “прадставіў выбаршчыкам” і кандыдата Уладзіміра Сямашку ў адным з папярэдніх нумароў.

“Праваабаронцы за свабодныя выбары”