Барысаў: Выканкам праінструктаваў начальнікаў
18 верасня ў будынку Барысаўскага райвыканкама прайшоў сход усіх кіраўнікоў прадпрыемстваў, арганізацый і ўстановаў горада і раёна пад "кодавай" назвай "Падрыхтоўка да ацяпляльнага сезону". Аднак асноўнай тэмай былі будучыя выбары.
З дакладных крыніц карэспандэнту выдання "Барысаў Электронны" стала вядома, што кіраўніцтва райвыканкама "параіла" кіраўнікам забяспечыць масавае датэрміновае галасаванне і пераканаць сваіх падначаленым галасаваць: у горадзе - за Віктара Гумінскага, у раёне - па Барысаўскай сельскай акрузе №63 - за Васіля Гурьянава, па Жодзінскай акрузе №66 - за Васіля Люцікава.
Падобнае "інструктаванне", як вядома, з'яўляецца парушэннем выбарчага заканадаўства. Таму-то і насіў сход цалкам нейтральную назву, таму і не дапусцілі на яго нікога са старонніх…
