Мінюст Беларусі ў бліжэйшы час плануе зацьвердзіць дакумент, які вызначае правілы перарэгістрацыі рэлігійных арганізацыяў на тэрыторыі краіны.
Пра гэта паведамілі ў Камітэце па рэлігіі пры Савеце Міністраў Беларусі. У дакумэнце выкладзены асноўныя аргумэнты, якія будуць дэталізаваць нормы новага Закону "Аб свабодзе сумленьня й рэлігійных арганізацыях", падпісанага Аляксандрам Лукашэнкам 30 кастрычніка 2002 году. Ачольнік аддзелу ў справах рэлігіяў Аляксандар Калінаў паведаміў, што перарэгістрацыя будзе тычыцца толькі тых арганізацыяў, статуты якіх былі зарэгістраваны да набыцьця сілы новай рэдакцыі Закону. Ён падкрэсьліў, што "статус ніводнай рэлігійнай арганізацыі, якая дзейнічае на тэрыторыі Беларусі, ня будзе паніжаны". Галоўная мэта дакумэнту ў тым, каб усе рэлігійныя арганізацыі прывялі свае статуты да адпаведнасьці з нормамі Закону аб рэлігійных арганізацыях, які набыў сілу.
