25 траўня ў 10.00 у судзе Ленінскага раёна г. Мінска (вул. Сямашкі, 33) пачнуцца слуханні па зыску дэпутата Палаты прадстаўнікоў Нацыянальнага сходу, лідэра ЛДПБ Сяргея Гайдукевіча да газеты "Народная воля".

5 красавіка Сяргей Гайдукевіч падаў у суд зыск на рэдакцыю выдання з патрабаваннем прызнаць несапраўднымі звесткі, апублікаваныя ў газеце "Народная воля" №39 ад 1 сакавіка 2005 года ў артыкуле "Письмо Гайдукевича. ?#152; факс Гайдукевичу" (у прыватнасці, змест тэкста апублікаванага факса: "Кому: г-ну С.Гайдукевичу, Председателю" і фразу "Мы настойчиво просим Вас возвратить нам сумму в размере 996.798,060 доллара США, которую Вы задолжали"), і спагнаць на яго карысць матэрыяльную кампенсацыю маральных стратаў у памеры 200.000.000 рублёў.