Баранавічы: “Правільны” падыход Ярмошынай

Назіральнік за выбарчым працэсам ад БХК Карней Пятровіч атрымаў адказ на свой зварот ад старшыні Цэнтрвыбаркама Лідзіі Ярмошынай. Назіральнік хацеў даведацца, ці адпавядае закону тое, што ў СМІ друкаваліся толькі прозвішчы, імёны і імёны па бацьку тых, хто ўвайшоў ва ўчастковыя выбарчыя камісіі. К. Пятровіч таксама паставіў пытанне адносна законнасці таго, што ў акрузе № 5 у склад участковых выбарчых камісій ўвайшлі прадстаўнікі аднаго працоўнага калектыва на чале з кіраўнікамі ўстановаў, і чаму ў камісіі не ўключылі (хаця такое жаданне ў людзей было) ні аднаго чалавека ад дэмакратычных партый. Таксама назіральнік паставіў перад фактам, што ў  камісіях утойваюць час правядзення паседжанняў. 

Адказ Ярмошынай вельмі лаканічным: яна спасылаецца на тое, што па “сложившейся практике” у СМІ друкуюцца толькі прозвішчы, імя і імя па бацьку сяброў камісій і хто іх вылучыў. “На наш взгляд такой подход является правильным, поскольку он даёт более полное представление о формировании комиссий”. Наконт таго, што ў складзе камісій часцей за ўсё члены аднаго калектыва, сп. Ярмошына адказала, што мажліва яны вылучаліся ў склад камісій рознымі суб’ектамі. Даўшы адпіску па некаторых пытаннях, астатнія праблемы старшыня Цэнтрвыбаркама ўвогуле абмінула, па сутнасці на запыты не адказаўшы.   

“Праваабаронцы за свабодныя выбары”