Гомельшчына: Восем чалавек адмовіліся ад сяброўства ў акруговых камісіях
1 верасня ў Прэзідыўм Гомельскага абласнога і гарадскога Савету дэпутатаў, а таксама ў Гомельскі аблвыканкам і гарвыканкам былі накіраваныя заявы сяброў акруговых камісій, вылучаных ад палітычных суб'ектаў АДС, аб адмове далей працаваць у іх. Прадстаўнікі АДС па 8-мі акругах Гомельскай вобласці (з 17-ці) заявілі, што гэтае рашэнне звязана з тым, што "улады ў чарговы раз рыхтуюцца да правядзення фарсу з загадзя вядомым вынікам".
Дакумент таксама ўтрымолівае абгрунтаванне гэтай пазіцыі. "З 225 прадстаўнікоў АДС у склад участковых выбарчых камісій уключана толькі 7 чалавек. З 17 прэтэндэнтаў у кандыдаты ад АДС зарэгістравана 12 чалавек. Аказваецца ціск на сяброў каманд кандыдатаў ад АДС".
Рашэнне аб выхадзе сяброў акруговых камісій з іх складу было прынята 29 жніўня на сустрэчы суб'ектаў Гомельскіх АДС і іншых удзельнікаў перадвыбарнага працэсу.
"Праваабаронцы за свабодныя выбары"
