Любань: Цікавая “ непамятлівасць ”
У газеце "Голас Любаншчыны" ад 23 жніўня 2008 года (№№ 107 - 109) апублікаваны артыкул пад назвай "Праведзена вучоба". У артыкуле ўказана, што акруговая камісія Любанскай выбарчай акругі № 68 па выбарах дэпутатаў Палаты прадстаўнікоў Нацыянальнага сходу Рэспублікі Беларусь сумесна з аддзелам арганізацыйна - кадравай працы Любанского райвыканкама правяла семінар - вучобу з старшынямі, намеснікамі старшыняў і сакратарамі ўчастковых выбарчых камісій.
Падчас семінара - вучобы перад кіраўнічтвам участковых камісій выступілі старшыня акруговай камісіі Любанскай выбарчай акругі № 68, галоўны юрысконсульт Любанскага райвыканкама, намеснік начальніка Любанскага РАУС, прадстаўнікі санэпідстанцыі, МНС і шэраг іншых службовых асобаў. На семінары падрабязна асвятляліся пытанні падрыхтоўкі і правядзення маючых адбыцца выбараў.
Цікавы наступны факт. Сябра акруговай камісіі Любанскай выбарчай акругі № 68 Надзея Агафонова Надзея, жонка прэтэндэнта ў кандыдаты, сябра АГП Арцёма Агафонова наогул не ведала аб правядзенні падобнага семінара. Ніхто не палічыў патрэбным паставіць яе аб гэтым у вядомасць. Застаецца толькі здагадвацца - зроблена гэта было наўмысна або мела месца звычайная непамятлівасць?
"Праваабаронцы за свабодныя выбары"
