Юрыя Істоміна абвінавачваюць у парушэнні выбарчага заканадаўства. Заўтра суд

26 жніўня Юрый Істомін, старшыня Гарадзенскай абласной арганізацыі АГП, па выкліку наведаў Наваградзкую раённую пракуратуру. Там намеснік галоўнага пракурора раёну А. Цемірава азнаёміла яго з пратаколам пра адміністратыўнае парушэнне, складзеным на актывіста. Палітыка вінавацяць у тым, што ён нібыта парушыў артыкул 45 Выбарчага кодэксу – 18 жніўня разам з сябрамі сваёй ініцыятыўнай групы вёў у Наваградку незаконную агітацыю, распаўсюджваючы матэрыялы, якія надрукаваныя за межамі Рэспублікі Беларусь.

Нагадаем, што Юрый Істомін быў затрыманы разам з сябрамі ініцыятыўнай групы у Наваградку 18 жніўня і не паспеў зарэгістраваць сабраныя подпісы і здаць іх у акруговую камісію.

Суд над Юрыем Істоміным адбудзецца ў Наваградку ў бліжэйшы чацьвер.