Адміністратыўныя справы грамадзянаў Украіны, затрыманых у Мінску пачас акцыі “Чарнобыльскі шлях”, будуць перагледжаныя 3 траўня Мінскім гарадскім судом.

Пра гэта прэс-цэнтру Хартыі-97 паведаміў прэс-аташэ пасольства Украіны ў Беларусі Леанід Ясінскі. Пяцера ўкраінскіх грамадзянаў па-ранейшаму знаходзяцца ў сьпецпрыёмніку-разьмеркавальніку ГУУС Мінгарвыкаму і трымаюць галадоўку ў знак пратэсту супраць незаконнага арышту.