Гародня: Аблвыканкам адмаўляецца паведаміць пра склад акруговых камісій

У Гарадзенскім аблвыканкаме катэгарычна адмаўляюцца паведаміць пра ўключэньне ці неўключэньне вылучэнцаў у акруговыя камісіі ад Аб’яднаных Дэмакратычных Сілаў.

На шматлікія тэлефанаваньні саміх вылучаных асобаў, старшыняў абласных структур палітычных партый, праваабаронцаў і журналістаў з боку адказнага за фармаваньне акруговых камісій, прадстаўнік аблвыканкаму Леанід Ермантовіч афіцыйнай інфармацыі не дае і нязьменна раіць толькі адно – чытаць мясцовую прэсу, дзе будзе надрукаваны склад камісій. Бліжэйшы ж нумар “Гродзенскай праўды” выйдзе толькі ў сераду.

“Праваабаронцы за свабодныя выбары”