Новыя затрыманьні ў сувязі з выбухам 4 ліпеня

Учора ўвечары на кватэры актывіста Партыі БНФ, праваабаронцы Ільлі Богдана прайшоў ператрус, які зьдзяйсьнялі супрацоўнікі КДБ. Пасьля ператрусу актывіста затрымалі і даставілі на допыт.

Такі ж лёс напаткаў і актывістаў кампаніі “Эўрапейская Беларусь” Аляксандра Сергіенку і Паўла Кур’яновіча. Зараз усе яны знаходзяцца ў ізалятары часовага ўтрыманьня на Акрэсьціна. Падрабязнасмьці высвятляюцца.

Такім чынам, па падазрэньні да выбуху ў Менску 4 ліпеня затрымана і знаходзіцца пад сьледствам 8 дэмакратычных актывістаў.