viasna on patreon

"Вясна" заклікае Томаса Хамарберга наведаць Беларусь

2008 2008-06-12T18:14:51+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праваабарончы цэнтр "Вясна" накіраваў ліст Камісару па правам чалавека Савета Еўропы Томасу Хамарбергу з прозьбай зьвярнуцца да беларускіх уладаў з тым, каб атрымаць магчымаць наведаць нашу краіну з афіцыйным візітам, улічваючы той факт, што ўрад краіны ў апошні час заяўляе аб сваёй зацікаўленасьці ў аднаўленьні статуса Беларусі ў Савеце Еўропы.

"Нажаль, Рэспубліка Беларусь не зьяўляецца сябрам Савету Еўропы і статус сьпецыяльна запрошанага быў замарожаны з-за праведзенага ў лістападзе 1996 году ўладамі Беларусі рэферэндуму аб зьменах Канстытуцыі краіны, - адзначаецца ў лісьце. – Мы разумеем, што Ваш мандат абмежаваны толькі краінымі Савету Еўропы. Тым ня менш, як нам падаецца, Ваш візіт у Рэспубліку Беларусь меў бы вялікае значэньне для двухбаковага разьвіцьця адносінаў, а таксама падтрымаў бы грамадзянскую супольнасьць ў краіне і дазволіў атрымаць рэальную карціну па пытаньнях правоў чалавека ў выніку сустрэчаў як з прадстаўнікамі афіцыйных уладаў Беларусі, так і з прадстаўнікамі няўрадавых праваабарончых арганізацыяў”.

На гэтую тэму разважае юрыст і праваабронца Валянцін Стэфановіч:

“У студзені гэтага году падчас візіту беларускай дэлегацыі, якая прымала ўдзел у працы Парламенцкай асамблеі Савета Еўропы ў Страсбурзе, прадстаўнік ПЦ “Вясна” сустракаўся з супрацоўнікам офісу Камісара па правах чалавека. Менавіта тады і ўзьнікла ідэя наведваньня Беларусі Камісарам па правах чалавека, і прадстаўнік офісу запэўніў, што такі візіт магчымы.

Нам здаецца, што прыезд такога высокага чыноўніка ў галіне правоў чалавека быў бы вельмі карысны, калі б ён атрымаў пэўнае ўяўленьне аб стане правоў чалавека ў краіне, бо вельмі шмат нашыя ўлады гавораць аб зацікаўленасьці стасункаў з Саветам Еўропы, аб аднаўленьні статусу спецыяльна запрошанага Беларусі і нават аб сяброўстве ў Савеце Еўропы, але сяброўства ў Савеце Еўропы разумее пад сабой яшчэ і выкананьне пэўных абавязацельстваў, якія краіна павінна выконваць. Таму візіт Камісара па правах чалавека Савета Еўропы меў бы вялікае значэньне, улічваючы тое, што спадар Томас Хамарберг перад гэтым зьяўляўся Генеральным сакратаром такой уплывовай правабарончай арганізацыі як "Аmnesty International". Безумоўна, ён мае вялікі досьвед і змог бы ў тым ліку наведаць беларускіх палітвязьняў. Тут яшчэ можна дадаць, што ў апошні час адбываюцца пэўныя сустрэчы – нядаўна быў візіт прадстаўніка Венецыянскай камісіі ў Беларусь, нават адбыўся сумесны семінар з Канстытуцыйным судом Рэспублікі Беларусь на тэму рэалізацыі грамадзянскіх правоў, доступу да правасудзьдзя і т.п.”

 

Апошнія навіны

Партнёрства

Сяброўства