Польскiя студэнты правялi акцыю пратэсту ля беларускага консульства

Польскiя студэнты правялi акцыю пратэсту ля Генеральнага консульства Беларусi ў Беластоку. Акцыю арганiзавалi Незалежнае аб’яднанне студэнтаў i Беларускае аб’яднанне студэнтаў. Пра гэта паведамiла польская Gazeta Wyborcza.

“Супольная справа – Менск – Варшава”, “Жыве Беларусь!”, “Хочам дэмакратыi на Беларусi!” – скандавалi студэнты.

– Мы салiдарныя з беларускай дэмакратычнай апазiцыяй. Мы супраць парушэння правоў чалавека i пераследа незалежных журналiстаў у гэтай краiне, – заявiў Марцiн Леашка з Незалежнага аб’яднання студэнтаў.

Удзел у акцыi прынялi каля 50 чалавек.