У Баранавічах пакараны штрафам маладафронтавец Арцём Ластавецкі

У ноч на 17 траўня ў Баранавічах быў затрыманы актывіст мясцовай філіі Маладога Фронту Арцём Ластавецкі. Хлопца абвінавацілі ў нанясеньні палітычных графіці, якіх у Баранавічах за адну ноч зьявілася больш за 200.

17 траўня маладафронтаўца судзілі па адміністрацыйным артыкуле і пакаралі штрафам у 2 базавыя велічыні. Зараз Арцём Ластавецкі на волі, але, як, яму паведамілі ў міліцыі, супраць яго хутчэй за ўсё будзе распачата крымінальная справа.

Нагадаем, у 2005 годзе за палітычныя графіці адзін зь лідэраў Маладога Фронту Артур Фінькевіч быў прысуджаны да 2-х гадоў “хіміі”.