У Гродна пакаралі прадпрымальнікаў
10 сакавіка быў вынесены прысуду сямі гарадзенскім прадпрымальнікам, якія былі затрыманы падчас сходу ў парку імя Жылібера. Людміла Цежына, Іван Мельнічак, Віталь Дзетчык, Наталля Івашка, Галіна Вішнеўская, Зміцер Краўцэвіч, Алег Семашка судом Ленінскага раёна г. Гродна пакараны штрафам у памеры 20 базавых велічынь паводле артыкула 167 прым, частка 1 Кодэксу аб адміністратыўных правапарушэннях за ўдзел у несанкцыянаваным сходзе.
Падчас брутальнага разгону акцыі пратэсту гарадзенскіх прадпрымальнікаў міліцыянты затрымалі дзевяць прадпрымальнікаў. У гэты ж дзень усе яны былі дастаўленыя ў суд. Аднак прысуд паспелі вынесці толькі сямі з іх. Яшчэ два удзельніка акцыі пратэсту былі адпушчаны дадому да суда, які адбудзеца сёньня ў судзе Ленінскага раёна, паведамляе pahonia.promedia.by.
