Улады не дазволілі сустрэчу мінчукоў з Мілінкевічам
Намеснік старшыні Мінгарвыканкама М. Ціценкоў лічыць яе не адпавядаючай заканадаўству.
Прыйшоў адказ на заяўку ў Мінгарвыканкам пра правядзенне сустрэчы Аляксандра Мілінкевіча з людзьмі ў мікрараёне Малінаўка каля галоўнага ўваходу ў гандлёвы цэнтр “Максімус”, якую падаў актывіст Руху “За Свабоду” Юрась Меляшкевіч.
У лісце за подпісам намесніка старшыні Мінгарвыканкама М. Ціцянкова паведамляецца, што мерапрыемства не дазваляецца, паколькі яно супярэчыць Закону “Аб масавых мерапрыемствах у Рэспубліцы Беларусь”.
– Нам не дазваляюць правесці збор, пікет альбо мітынг, але Закон нам не забараняе размову з паплечнікамі і прыхільнікамі Аляксандра Мілінкевіча на вольным паветры. Таму гутарка з людзьмі абавязкова адбудзецца, – каментуе адказ Юрась Меляшкевіч.
