Чарговая “прафілактыка” гарадзенскіх спецслужбоўцаў

Дзьве гадзіны пратрымалі ў Гарадзенскім КДБ 16 красавіка моладзевую актывістку Хрысьціну Марчук. На пачатку размовы супрацоўнікі КДБ катэгарычна адмовіліся назваць свае прозьвішчы і пасады, на што дзяўчына адказала, што не будзе ў такім разе даваць аніякіх афіцыйных тлумачэньняў.

Прадстаўнікоў спецслужбаў найбольш цікавілі акалічнасьці ранейшага затрыманьня Хрысьціны ў Менску ў ліку іншых сябраў незарэгістраванага “Маладога Фронту”. У канцы “гутаркі” супрацоўнікі КДБ папярэдзілі Хрысьціну Марчук пра крымінальную адказнасьць за ўдзел у дзейнасьці незарэгістраванай арганізацыі. Падпісваць занатаваны зьмест размовы яна адмовілася.