22 лютага ў Мінску была зьдзейсьненая спроба затрыманьня старшыні Партыі БНФ Вінцука Вячоркі.

Супрацоўнікі міліцыі спрабавалі затрымаць Вінцука Вячорку для прымусовай дастаўкі на допыт у пракуратуру. Спроба затрыманьня адбылася ў Міністэрстве юстыцыі адразу пасьля сустрэчы з намесьнікам міністра юстыцыі Краўцовым. В. Вячорку адпусьцілі пасьля тэлефоннай размовы са сьледчым пракураты Кухаронкам, у якой лідэр БНФ сказаў, што зьявіцца ў пракуратуру без прымусовай дастаўкі.