Аляксей Шчарбакоў аштрафаваны за ўдзел у Дні Волі

1 красавіка ў судзе г.Баранавічы адбыўся разгляд адміністратыўнай справы Аляксея Шчарбакова, які быў сярод 14 затрыманых у Дзень Волі рэгіянальных актывістаў. Інвалід 2-й групы па слыху з дзяцінства быў дастаўлены з пастарунку "хуткай дапамогай" у шпіталь, таму судовае паседжаньне па ягонай справе 26 сакавіка, калі судзілі астатніх, было адкладзенае. Аднак пасьля выхаду са шпіталю сп. Шчарбакову не ўдалося пазьбегнуць пакараньня за мірнае сьвяткаваньне 90-х угодкаў БНР.

Судзьдзя, разгледзеўшы адміністратыўную справу актывіста, не знайшоў ніякіх зьмягчальных абставінаў і вынес пастанову аб спагнаньні з Аляксея Шчарбакова штрафу ў памеры 5 базавых велічыняў.