Пракуратура Беларусі цікавіцца крыніцамі інфармацыі для маніторынгу парушэньня правоў чалавека, якія падрыхтавала Людміла Гразнова

Сьледчы цікавіўся крыніцамі інфармацыі, якімі спадарыня Гразнова карысталася пры падрыхтоўцы маніторынгу парушэньня правоў чалавека.

Людміла Гразнова паведаміла Радыё Свабода, што сьледчы з аддзелу нагляду за выкананьнем заканадаўства ў СМІ Павал Радзіёнаў цікавіўся, адкуль яна ўзяла інфармацыю для складаньня маніторынгу парушэньня правоў чалавека. На думку праваабаронцы, было б больш лягічна праверыць інфармацыю, выкладзеную ў маніторынгу, і ўжыць меры пракурорскага рэагаваньня да тых, хто парушае грамадзянскія правы ў Беларусі.