Судны дзень 26 сакавіка завяршыўся

У судах Савецкага, Завадскога, Маскоўскага, Партызанскага раёнаў Менска завяршыліся разгляды спраў затрыманых удзельнікаў святкаваньня Дня Волі 25 сакавіка.

Усяго разглядалася 75 адміністрацыйных спраў, 26 з іх завяршыліся арыштамі. Суддзі адпраўлялі на Акрэсціна ў асноўным ад 5 да 15 сутак. Два суды перанесены на 27 сакавіка, гэта журналіст Лянкевіч Андрэй і Ясевіч Зміцер. Дваім затрыманым 25 сакавіка – Грышчэню Яраславу і Карэтнікаву Юрасю аказваецца медычная дапамога. Уваогуле каля 20 чалавек атрымалі траўмы рознай цяжкасьці.

13 непаўнагадовых удзельнікаў святкаваньня былі перададзены бацькам яшчэ ўчора.

Таксама ўчора былі адпушчаныя журналісты Літоўскага тэлебачаньня і грамадзяне Польшы і Украіны.