У Пухавіцкім раёне 500 чалавек выйшлі на мітынг супраць будаўніцтва завода

Мітынг супраць будаўніцтва завода па вытворчасці сродкаў абароны раслінаў адбыўся ў пасёлку Дружны ў Пухавіцкім раёне. Ён не быў санкцыянаваны ўладамі. У акцыі ўдзельнічалі каля 500 чалавек. Мясцовыя жыхары запрашалі прыйсці і прадстаўнікоў улады, але яны не з'явіліся. Аднак прыйшлі супрацоўнікі міліцыі, якія не перашкаджалі людзям мітынгаваць.

Удзельнікі акцыі трымалі ў руках плакаты "Нет ядохимикатам!", "Сохраним красоту природы нашим потомкам" ды іншыя. Яны перакананыя, што будаўніцтва завода можа прывесці да росту алергічных, анкалагічных і іншых захворчанняў у людзей, якія жывуць каля пляцоўкі, на якой мусіць распачацца будаўніцтва.

На мітынгу было прынятае рашэнне правесці мясцовы рэферэндум аб будаўніцтве прадпрыемства.

Акцыя закончылася паходам людзей на гэтую пляцоўку, дзе быў пастаўлены крыж.

Актывісты з Дружнага падалі заяўку ў мясцовыя органы ўлады з просьбай аб правядзенні мітынгу 29 сакавіка, інфармуе БелаПАН.