Аляксей Марозаў арыштаваны на пяць сутак

3 сакавіка суд Цэнтральнага раёну Менску пакараў актывіста партыі БСДП (Грамада) Аляксея Марозава адміністратыўным арыштам тэрмінам на пяць сутак за ўдзел у акцыі салідарнасьці з палітвязьням Аляксандрам Казуліным.

Хлопец быў  затрыманы напярэдадні ўвечары пры вывешваньні на масту каля дому, дзе да зьняволеньня жыў Аляксандр Казулін, на вуліцы Старажоўскай расьцяжкі з патрабаваньнем вызваліць апазіцыйнага палітыка. Ноч Аляксей Марозаў правёў на Акрэсьціна, пра што супрацоўнікі міліцыі нават не паведамілі ягоным бацькам.

Пра вынесены прысуд сябры актывіста змаглі даведацца ў канцэлярыі Цэнтральнага суду, аднак невядома ў зьдзяйсьненьні якога правапарушэньня быў абвінавачаны Аляксей Марозаў.