У Гародні ізноў затрыманы Уладзімір Ларын, у офісе АГП прайшоў ператрус

Сёньня ў другой палове дня на адным з гарадзенскіх рынкаў супрацоўнікамі міліцыі быў затрыманы мясцовы актывіст, адзін з лідэраў гарадской  арганізацыі АГП Уладзімір Ларын. Яго неўзабаве даставілі ў Ленінскі РАУС Гародні.

Як паведамляюць мясцовыя праваабаронцы, праз некаторы час міліцыя правяла вобыск у памяшканьні філіі АГП па вуліцы Будзёнага,48. Міліцыя сканфіскавала кампутары, аргтэхніку, а таксама друкаваную прадукцыю. Верагодна, такім чынам гарадзенская міліцыя намагаецца адшукаць тых, хто вырабляе ўлёткі, якія з’яўляюцца на кірмашах горада.