Сябры місіі назіраньня за выбарамі прэзідэнта Ўкраіны ад Праваабарончага цэнтру “Вясна” абскарджваюць дзеяньні супрацоўнікаў міліцыі ў сувязі з незаконным затрыманьнем 22 сьнежня ў гатэлі “Беларусь”
22 сьнежня падчас арганізацыйнага брыфінгу было затрымана больш за 70 чалавек – назіральнікаў місіі ENEMO (еўрапейская сетка няўрадавых арганізацый, якія назіраюць за выбарамі).
“Мы знаходзіліся ў РУУС Цэнтральнага раёну значна больш за тры гадзіны. Нас трымалі пакуль не адыйшоў цягнік на Кіеў -- пяць гадзінаў без усялякага тлумачэньня з боку супрацоўнікаў міліцыі, без складаньня пратаколаў пра адміністратыўнае затрыманьне. І гэта безумоўна было незаконным затрыманьне, што мы і асбкарджваем у органах пракуратуры. Мне проста будзе вельмі цікава пачытаць, што пракуратура здолее адказаць на абсалютна відавочнае парушэньне Адміністратыўнага Кодэксу”, -- гаворыць юрыст Праваабарончага цэнтру “Вясна” Уладзімір Лабковіч.
Скаргі накіраваныя ў пракуратуру Цэнтральнага раёну. Пададзена каля дзесяці скаргаў.
