Полацкі суд пакараў Кацярыну Салаўёву штрафам
30 базавых велічынь прысудзілі полацкай маладафронтаўке Кацярыне Салаўёвай, абвіначанай у нанясеньні некалькіх палітычных графіці на полацкі гарвыканкам два месяцы назад. Працэс вяла судзьдзя Абрамава, абараняў дзяўчыну адвакат Аляксандр Галіеў.
“Судзьдзі галоўнае было як мага хутчэй скончыць гэты працэс, - каментуе прысуд Кася, - яна нават не ўлічыла той факт, што пры затрыманьні мяне зьбівалі, абражалі, спрабавалі падпаліць валасы. Сьведка з боку міліцыі спадар Афіцэраў хутка даў патрэбныя сьведчаньні й мяне прызналі вінаватай.”
Нагадаем, зараз на актывістку полацкага Маладога Фронту Кацярыну Салаўёву заведзена крымінальная справа па артыкуле 193.1 КК РБ – “удзел у незарэгістраванай арганізацыі”, па артыкуле 370 КК Беларусі - “зьнявага дзяржаўных сымбаляў” распачата следзтва.
