15 лістапада ў горадзе Горкі ў Магілёўскай вобласьці дастаўлены ў суд і пакараны трыма суткамі адміністрацыйнага арышту актывіст Беларускай сацыял-дэмакратычнай грамады Дзям’ян Франкоўскі.

Пра гэта паведаміла Радыё Свабода. Дзям’яна Франкоўскага. абвінавацілі ў “распаўсюдзе ўлётак, якія вырабленыя з парушэньнем устаноўленага парадку”.

Справа актывіста стала шырока вядомая ў Горках таму, што на Дзям’яна Франкоўскага, які перадаваў у партыйныя арганізацыі кааліцыйныя ўлёткі “Пяць крокаў да лепшага жыцьця”, паскардзіўся чыноўнікам «вэртыкалі» і міліцыянтам пільны кіраўнік мясцовай вэтэранскай арганізацыі.