У Цэнтральным судзе Мінску пачаўся разгляд адміністратыўнай справы супраць суполкі крышнаітаў. Вернікі апынуліся перад пагрозай страты будынка, у якім адбываюцца набажэнствы.

Пра гэта паведаміла Радыё Свабода. Судзьдзя Аляксей Бычко пачаў разгляд адміністрацыйнай справы супраць суполкі крышнаітаў. Інспэктар аддзелу грамадзкай бясьпекі Цэнтральнага раёну Менску капітан Несьцяровіч абвінаваціў крышнаітаў у тым, што яны ў прыватным доме на вуліцы Паўлава ладзяць свае набажэнствы, што нібыта забаронена дзейным заканадаўствам. Міліцыянт спаслаўся на адсутнасьць дазволу з боку райвыканкаму.

Сябры суполкі ў судзе патлумачылі, што чатырнаццаць гадоў зьбіраюцца ў гэтым прыватным доме, гэта юрыдычны адрас суполкі. Дагэтуль ніякіх прэтэнзіяў да іх не было. Яны лічаць, што з гэтай судовай справы можа пачацца працэдура закрыцьця крышнаіцкай суполкі