У Гародні зноў “дзікае паляванне”?

Напярэдадні Дня памяці паўстанцаў 1863 году, які павінен традыцыйна адбыцца ў горадзе Сьвіслачы Гарадзенскай вобласці 26 кастрычніка, у кватэры гарадзенскіх грамадска-палітычных актывістаў завіталі няпрошаныя “госці”.

Увечары на хатнія кватэры Віктара Сазонава, Уладзіміра Хільмановіча, Вадзіма Саранчукова прыходзілі міліцыянты і прыносілі абсурдныя позвы з’явіцца ў РАУСы раніцай 26-га. Нікога з пералічаных асобаў у той момант не было дома. Відавочна адно – гарадзенскія ўлады працягваюць пераследаваць грамадскіх актывістаў з-за іх поглядаў.

Не выключана, што такім чынам сілавыя структуры будуць імкнуцца сарваць правядзеньне Дня памяці паўстанцаў у Сьвіслачы, якім традыцыйна на Гарадзеншчыне пачынаецца адзначэньне Дзядоў.