Гомельскім прадпрымальнікам мясцовыя ўлады зноў адмовілі ў правядзеньні мітынгу

Прадпрымальнікі падавалі заяўку на правядзеньне 22 кастрычніка мітынгу, на які зьбіраліся запрасіць супрацоўнікаў падаткавай інсьпекцыі і камітэту эканомікі гарвыканкама, каб сумесна разабрацца ў новаўвядзеньнях у дробным прадпрымальніцтве.

Гэта ўжо другая адмова гомельскіх чыноўнікаў: першы раз заяўка на правядзеньне мітынгу прадпрымальнікаў падавалася ў верасьні.

Прадпрымальнікам паведамілі, што яны “не могуць забясьпечыць медычнае абслугоўваньне ўдзельнікаў мітынгу, ахову грамадзкага парадку і прыборку тэрыторыі”.