«апейскі марш» падсумавалі
У панядзелак з раніцы заяўнікі «апейскага маршу» падвялі вынікі ўчорашняй акцыі. Старшыня аргкамітэту Віктар Івашкевіч паведаміў, што акцыя паказала, як і дасягненьні, так і недахопы апазыцыі.
«Найперш «апейскі марш прадэманстраваў, што апазыцыя ў стане працаваць разам і кансалідавана, што ставілася пад сумнеў пасьля Кангрэсу. Нас падтрымалі практычна ўсе эўрапейскія краіны, а таксама ЗША. Відаць, менавіта гэта падтрымка і прымусіла беларускія ўлады не разганаць акцыю, а даць свабодна прайсьці ад Кастрычніцкай плошчы да Бангалору. Па нашых падліках у маршы ўзяло ўдзел ад 5 да 7 тысяч чалавек», — сказаў В.Івашкевіч.
Старшыня Партыі БНФ Вінцук Вячорка лічыць, што «апейскі марш» паказаў, што апазыцыя мае неблагія мабілізацыйныя магчымасьці.
«На акцыю прыйшло шмат людзей, нягледзячы на кампанію запалохваньня і дэзінфармацыі. Нават у дзень маршу людзям прыходзілі sms?кі нібыта ад Віктара Івашкевіча. З адмоўнага — я б адзначыў наяўнасьць некалькіх калёнаў. Арганізатарам, мабыць, трэба было падумаць аб дружыне. Увогуле, «апейскі марш» — гэта своеасаблівае сьвята непаслушэнства, якое разьнявольвае перад наступным годам, які стане годам эканамічнага крызысу і барацьбы за незалежнасьць», — лічыць В.Вячорка.
«амарш прайшоў, але праблема эўрарамонту нашага дому застаецца. На акцыі было каля 7 тысяч чалавек, але яны, на жаль, не задзейнічаны падчас чарнавой працы апазыцыі. Мала хто зь іх пойдзе раздаваць улёткі. Наша вялікая праблема, як мабілізаваць гэтых людзей. Калі гэта ў нас атрымаецца, то наступныя акцыі будуць больш масавыя», — сказаў лідэр АГП Анатоль Лябедзька.
Што да міжнароднай падтрымкі, то на «эўрапейскі марш» змог прыехаць толькі лідэр расейскага СПС Міката Бялых. Як паведаміў А.Лябедзька, у Ђоніі мясцовыя парлямэнтары сутыкнуліся з праблемай атрыманьня візаў.
Напрыканцы прэс?канфэрэнцыі Віктар Івашкевіч сказаў: «апейскі марш», як акцыя скончылася, але ён працягваецца, як кампанія. Прыходзьце на офісы дэмакратычных партый, бярыце інфармацыйныя матэрыялы і раздавайце іх».
Цяпер апазыцыя занятая падрыхтоўкай да «Сацыяльнага маршу» 4 лістапада. Ужо пададзеная заяўка ў Менгарвыканкам. Арганізатары просяць прайсьці ад Кастрычніцкай плошчы да Нацыянальнай бібліятэкі. Заяўнікі ўжо накіравалі лісты намесьніцы кіраўніка Адміністрацыі прэзыдэнта Натальлі Пяткевіч, прэм’ер?міністру Сяргею Сідорскаму, старшыні ФПБ Леаніду Козіку і яшчэ некаторым уладоўцам. Цяпер чакаюць адказаў.
