Дачка Аляксандра Казуліна зьвярнулася са скаргай у Камітэт па правах чалавека ААН

11 кастрычніка ў сядзібе Партыі БНФ адбылася прэзэнтацыя кнігі пра Аляксандра Казуліна “Вязень прэзыдэнта”, выдадзенай у рамках сэрыі “Незалежнае расьсьледаваньне”.

На прэзэнтацыю кнігі пра свайго бацьку Вольга Казуліна прыехала пасьля таго, як наведвала Прадстаўніцтва ААН у Беларусі. Там яна перадала скаргу ў Камітэт ААН у правах чалавека.

“Мы кажам пра тое, што першапачаткова гэта было палітычна матываванае рашэньне, на падставе якога майго бацьку пасадзілі на пяць з паловай гадоў. Мы патрабуем, каб Камітэт ААН у правах чалавек у пазачарговым парадку гэтую скаргу. Мы патрабуем, каб яго неадкладна вызвалілі. І трэцяе – мы патрабуем кампэнсаваць маральныя страты ў памеры 2 мільёнаў эўра”, – паведаміла Вольга Казуліна.