Прысуд па адміністратыўнай справе Ільлі Богдана будзе абвешчаны 9 кастрычніка
У судзе Заводскага раёну адбылося чарговае паседжаньне па справе намесьніка старшыні Моладзі БНФ Ільлі Богдана, які абвінавачваецца ў нецэнзурнай лаянцы.
Два тыдні таму судзьдзя Брысіна Жанна Леанідаўна перанесла слуханьне з-за адсутнасьці сьведкі, якім зьяўляецца нехта Дуля. Аднак гэты таямнічы сьведка не зьявіўся і на гэты раз, а напісаў заяву аб немагчымасьці прысутнічаць на судовым працэсе. У выніку прысуд будзе абвешчаны 9 кастрычніка ў 9-15.
Нагадаем, што на мінулым тыдні сябар Моладзі БНФ Сяржук Клюеў, які таксама быў адным з удзельнікаў летніку і, адпаведна, абвінавачваўся ў "нецэнзурнай лаянцы", атрымаў штраф у памеры 2 базавыя велічыні. Гэта быў першы вынесены прысуд па "Коласаўскай справе".
Таксама заўтра, 9 кастрычніка, у 14.00 ў судзе Маскоўскага раёну адбудзецца разгляд адміністратыўнай справы Марыі ?удакоўскай.
