У Салігоску адбыўся суд над Аляксандрам Цацурам

1 кастрычніка Салігорскі суд разглядаў адміністратыўную справу сябра аргкамітэту грамадзкага аб’яднаньня "За свабоднае разьвіцьцё прадпрымальнікаў" а таксама сябра АГП Аляксандра Цацуры, абвінавачанага па арт. 23.34 КаАП у парушэньні парадку арганізацыі масавага мерапрыемства альбо пікетаваньня. Падчас падрыхтоўкі да сацыяльных акцыяў, запланаваных на 30 верасьня, спадар Цацура выкарыстаў вулічныя абвесткі ў выглядзе папяровых аб’яваў на слупах.

Судзьдзя Вожава азнаёмілася з матэрыяламі справы і пакарала актывіста штрафам у памеры 1 базавая велічыня - 31 тыс. рублёў.

Паводле спадара Цацуры, сёлета ён сем разоў зьвяртаўся ў Салігорскі райвыканкам па дазвол у арганізацыі мітынгу ці пікету, аднак атрымліваў толькі адмоўныя адказы.