Суды ў Нясвіжы адбудуцца сёньня
Затрыманых у Нясвіжы ў суботу ўначы актывістаў Маладога фронту будуць судзіць сёньня. Насту Азарку, Насту Палажанку, Арцёма Дубскага і Аляксандра Жукава затрымалі за надпіс, зроблены на плоце - “Беларусь – гэта сьвятое!”. Яшч моладзевыя актывісты раздавалі ўлёткі ў падтрымку Насты Азаркі, крымінальная справа якой будзе разглядацца ў мясцовым судзе 4 верасьня.
Пасьля гэтага пад’ехалі міліцыянты і затрымалі актывістаў. У актывістаў міліцыянты забралі тэлефоны. Патрабаваньне Насты Палажанкі выклікаць адваката было адхілена.
Азарка, Дубскі і Жукаў правялі ноч ў нясьвіскім пастарунку. Яшчэ адну затрыманую разам зь імі актывістку “Маладога фронту”, непаўнагадовую Насту Палажанку адпусьцілі. Яна вярнулася ў Менск, дзе яе чакае адміністрацыйная камісія.
Як паведамляла прэсавая служба Моладзі БНФ, моладзевых актывістаў прадтрымалі ўсю ноч у Нясвіжскім РАУС без складаньня пратаколу з адключанымі тэлефонамі.
Лідэр Моладзі БНФ Алесь Каліта так пракаментаваў гэтае затрыманьне: "Уражвае ступень нахабнасьці нясьвіскіх міліцыянтаў, каторыя без складаньня пратаколу прадтрымалі маладзёнаў ўсю ноч і трымаюць дагэтуль. Зразумела, што ГБшныя прыслужнікі будуць вымушаныя скласьці хоць нейкі пратакол, каб апраўдаць свае антыграмадзянскія дзеяньні. Прагназую, што пратакол будзе складзены па стандартнай хуліганцы арт. 17.1."
