“Малады фронт” падаў у суд супраць упраўленьня юстыцыі

Управа Маладога Фронту падала зыск у суд горада Менска супраць Упраўленьня юстыцыі Менгарвыканкама з патрабаваньнем прытрымлівацца закону аб грамадзкіх аб'яднаньнях і зарэгістраваць Малады Фронт.

Такім чынам маладафронтаўцы па ранейшму застаюцца на стадыі рэгістрацыі і могуць абсалютна законна выступаць ад імя руху. Як чакаецца, судовае паседжаньне, на якім чыноўнікам прыйдзецца растлумачыць суду, чаму правядзеньне масавых акцыяў згодна з заканадаўствам аб масавых мерапрыемствах на іх погляд зьяўляецца парушэньнем у статуце, адбудзецца ў верасьні.