Алесь Каліта: “Адпачываць няма калі, наперадзе шмат працы”

Пасля пятнаццаці сутак арышту старшыня Рады Моладзі БНФ Алесь Каліта пакінуў змушаны акрэсцінскі прытулак.

На волі Алеся Каліту сустракалі лідэры Партыі БНФ, праваабаронцы, сябры і знаёмыя. Прыкметна схуднелы, але тым не менш напоўнены энэргіяй, моладзевы лідэр паведаміў, што адпачываць пасля зняволеньня няма калі: “Хіба што адмыцца, ды ізноў за грамадскую працу”.

Нагадаем, што Алесь Каліта быў затрыманы 3 ліпеня ля сядзібы Партыі БНФ і асуджаны на пятнаццаць сутак адміністрацыйнага арышту. Уся яго віна заключалася ў тым, што юнак спрабаваў абараніць дзяўчыну, сябру Рады Моладзі БНФ Насту Александровіч ад пераапранутых абаронцаў рэжыму. За што і быў абвінавачаны па артыкуле 17.1 КаАП РБ ( дробнае хуліганства). Разам з ім быў асуджаны і сябра Партыі БНФ Павал Серадзенка, якога пакаралі на дзесяць сутак адміністратыўнага арышту.